Aléxandros

Martes 24 de xullo de 2007 • Comenta este libro

• A partir dos 12 anos
• Idioma: Español
• Editorial: Montena (2007)
• Autor/a: Valerio Massimo Manfredi
• Tradución: Nieves Nueno
• 18,95 €

¿Quen non escoitou falar de Alexandre Magno? Rei de Macedonia cando aínda non contaba con 20 anos, conquistou toda a parte oriental do mundo coñecido: as súas xestas, propias dun heroe épico, coñecéronse dende África ata China, de Europa ao mundo árabe…

¿Quen era en realidade ese mozo culto, refinado (educouno o mesmísimo Aristóteles)?; capaz de actuar coma se dun bárbaro se tratase, e de chorar e rir o mesmo tempo, de amar, de crear un mundo novo sen vencedores nin vencidos. Tan só a súa precoz morte lle impediu culminar unha obra de dimensións aínda hoxe descoñecidas

Antípodas

Martes 12 de setembro de 2006 • Comenta este libro

• Para prelectores
• Idioma: Español
• Editorial: Lóguez (2006)
• Texto: Erns Jandl
• Ilustracións: Norman Junge
• 13,00 €

Antípodas é un álbum ilustrado eminentemente visual; case podería prescindirse do texto e os pequenos lectores de imaxes aos que vai indicado captarían perfectamente a intención do conto. Esta non é outra ca explicar, dun modo moi sinxelo, o que hai "ao outro lado do mundo".

Trátase dun mundo igual ao noso só que invertido: alí o Nadal é caloroso, mentres que nós trememos de frío, por exemplos. Mentres o texto permanece inalterable para o lector "do hemisferio norte", as imaxes invertidas móstrannos como viven os nosos antípodas: ¿boca abaixo?

CACAnimales

Martes 12 de xuño de 2007 • Comenta este libro

• Para prelectores
• Idioma: Español
• Editorial: Combel (2007)
• Autor/a: Benoit Charlat
• Tradución e adaptación: Carmen Gil
• 13,20 €

Ya soy mayor, es genial:
¡no necesito orinal!

Podedes imaxinar un cúmulo de versos que ilustren o tema escatolóxico da caca no wáter, do xeito de:

ya es grande el pollito Fito
en el váter, él solito
ha hecho caca hace un momento
y está la mar de contento

unha serie de páxinas ilustradas e rimadas sobre o mesmo tema, cun sonoro final...

Dino duerme en casa de un amigo

Mércores 8 de novembro de 2006 • Comenta este libro

• A partir dos 6 anos
• Idioma: Español
• Editorial: RBA - Ediciones Serres (2006)
• Texto: Jane Clarke
• Ilustracións: Mary McQuillan
• Tradución: Raquel Mancera
• 12,50 €

Un amigo invita a Dino a durmir o venres na súa casa. Dino está entusiasmado e impaciente. Verán unha película de medo (El festín de los Miedosaurios), comerán palomitas de fento, beberán batido de piñóns… ¡un plan perfecto! Soamente hai un pequeno problema: Dino fai pis na cama… ¿Poderá arranxar este problemiña antes do venres?

Este é un escollo moi gordo que a señora Triceratops arranxa nun intre: “Non vos preocupedes… Moitos cachorros fan pis na cama, ¡pronto conseguiremos superalo!” Ás veces a vergonza e os nervios son os peores compañeiros para levar á cama nestes casos de “escapes nocturnos”. Unha tenra e tranquilizadora historia para os pequenos que han de enfrentarse a durmir en casa dun amigo por primeira vez.

Elenita

Venres 27 de abril de 2007 • Comenta este libro

• A partir dos 4 anos
• Idioma: Español
• Editorial: Kókinos (2006)
• Texto: Campbell Geeslin
• Ilustracións: Ana Juan
• 13,00 €

“La niña se llama Elena. Le gusta soplar el vidrio...Ésta es la historia de Elena. Escucha bien lo que hizo...”

Os sopradores de vidro non viron nunca unha nena no seu oficio: “¿Quién ha oído jamás hablar de una niña sopladora de vidrio?”, dille o seu pai. Pero Elenita sabe que pode facelo e está decidida a aprender; vístese coa roupa do seu irmán e marcha cara a Monterrey, alí onde viven os mellores artesáns vidrieiros do mundo. Na súa viaxe ha de aprender que o Sol mexicano ten color de cristal fundido, mentres a Lúa se viste de cristal frío...

Cunhas ilustracións de vivas cores, imos percorrendo aventuras polo deserto mexicano de man desta nena tan especial que ha de ensinarnos que “...cualquier sueño es posible para quién se escucha a sí mismo, vence el miedo y emprende un camino.”

El ladrón del rayo

Martes 12 de setembro de 2006 • 8 comentarios

• A partir dos 12 anos
• Idioma: Español
• Editorial: Salamandra (2006)
• Texto: Rick Riordan
• Tradución: Libertad Aguilera Ballester
• 13,50 €

El ladrón del rayo é a historia de Percy Jackson, un rapaz de doce anos que padece dislexia, cos consabidos problemas que dita disfunción provoca, unida ao THDA (trastorno hiperactivo de déficit de atención). ¿O resultado? Un cúmulo de problemas tales como unha peregrinaxe por diferentes colexios, dificultades para chegar ao aprobado, ser obxecto de burlas de compañeiros por fantasear continuamente...

Por se todo isto fose pouco, Percy descobre a súa verdadeira natureza: é un mestizo, é dicir, fillo dun deus e unha mortal.

Unha misión secreta élle encomendada e, a través das súas trepidantes aventuras, faremos unha incursión no mundo dos deuses do Olimpo grego.

Percy non está só: un compañeiro do seu último colexio, Grover, que en realidade é un sátiro, e Annabeth, que é a filla da sabia Atenea, comparten con el unha serie de aventuras sobre un mundo secreto, o que antigos deuses gregos recrearon no noso s. XXI.

Esta entretida historia arrástranos a unha imparable identificación cun personaxe con defectiños que o fan especial, e que nos achega ao mundo da mitoloxía grega da man dun protagonista moi, moi actual.

El libro sin palabras

Venres 4 de agosto de 2006 • 5 comentarios

• A partir dos 12 anos
• Idioma: Español
• Editorial: Santillana (2005)
• Tradución: Mercedes Núñez
• Texto: AVI
• 13,95 €

Unha fábula de maxia mediaval que contén a fórmula dunhas pedras da vida que outorgan a inmortalidade: vida pensamentos maxia e tempo. Catro palabras e catro pedras, un alquimista ladrón, un monxe xusticieiro, tres nenos e un corvo parlante, son os elementos que vai barallar o autor para tecer unha historia cuxa acción circunscríbese a unha opresiva mansión, na que terán lugar mortes e resurreccións, enterramentos e intentos sucesivos de lectura dun libro sen palabras que só poderá ler quen teña os ollos verdes.

Acción, sustos e simpatías que se mesturan nunha amena lectura deseñada para manter a atención do lector en todo momento.

El niño con el pijama de rayas

Venres 11 de maio de 2007 • 8 comentarios

• A partir dos 13 anos
• Idioma: Español
• Editorial: Salamandra (2007)
• Autor/a: John Boyne
• Tradución: Gemma Rovira Ortega
• 12,50 €

No espacio reservado ó editor na contraportada do texto para resumir a temática da obra, este advírtenos da súa intención de non comentar o libro para que o lector poida comezar a lectura do mesmo sen coñecemento previo ningún. Tan só bastará con saber que o protagonista (Bruno) ten nove anos, unha inocencia absoluta, e que vai vivir unha das experiencias máis duras da historia do home. O editor indícanos que o presente libro non é soamente unha lectura para adultos, tamén poden, e deben, lela mozos a partir dos 13 anos.

Trátase dun texto sobrecolledor pola inocencia do narrador, Bruno, que contrasta vivamente coa dureza da situación que nos describe; a novela perfila unha tipoloxía fascista cunha linguaxe moi sinxela e dun xeito conmovedor. Traducida a vintedous idiomas e merecedora de moitos premios literarios, pronto a veremos na pantalla grande.

El oso más grande del mundo

Mércores 20 de decembro de 2006 • 1 comentario

• Para prelectores
• Idioma: Español
• Editorial: Juventud (2006)
• Autor/a: Adam Relf
• Tradución: Élodie Bourgeois Bertín
• 18,50 €

Toby, un pequeno osezno, quere coñecer ó oso máis grande do mundo e atopa osos enormes en todas partes: no escaparate da pastelería, no parque, na feira...; todos parecen ser o maior de todos. Papá Oso espera pacientemente que chegue a noitiña para poder amosar o maior oso do mundo a Toby: un oso enorme que está sempre connosco pero que soamente pode verse na oscuridade da noite.

Un osiño é de feito un dos personaxes dos contos infantís máis frecuentes: son cálidos, tenros, amorosos, dulces. Cada Nadal unha morea de “contos de osos” aparecen nas librerías para deleite dos máis pequechos, e tamén dos maiores que leen contos para nenos, ¿por que negalo?

El portal del Cuervo

Luns 9 de outubro de 2006 • 4 comentarios

• A partir dos 12 anos
• Idioma: Español
• Editorial: Salamandra (2006)
• Texto: Anthony Horowitz
• 12,50 €

El portal del Cuervo é a primeira entrega dunha saga de cinco libros, Los cinco guardianes; unha serie de fantásticas aventuras ambientada hoxe en día e protagonizada por cinco mozos con poderes extraordinarios. Neste primeiro libro Matt Freeman, un adolescente orfo e confuso, ten problemas coa policía e é enviado a unha granxa de acollida no rural de Yorkshire; unha vez alí, descubrirá que posúe uns alucinantes poderes que van moito máis alá da súa imaxinación, tras unha peripecia que comeza no Museo de Historia Natural e remata nunha central nuclear abandonada, loitará por salvar a súa vida e evitar un caos mundial que culminaría coa súa destrución.

Narración dotada dun ritmo que atrapa o lector, a través do suspense e das sucesivas sorpresas que vai descubrindo nas páxinas.

El secreto de Endymion Spring

Venres 27 de abril de 2007 • 1 comentario

• A partir dos 12 anos
• Idioma: Español
• Editorial: Salamandra (2006)
• Autor/a: Matthew Skelton
• Tradución: Gema Moral Bartolomé
• 14,80 €

Maguncia, 1452: do taller do maestro Gutenberg vai sair un libro moi especial; un libro coas páxinas brancas codiciado por un extraño e maléfico persoaxe, Fust, gardián dun papel que semella estar vivo e que permanece pechado nun arcón cun ferrollo que abre só despois de probar o sangue do que ouse tocalo.

Quinientos anos despois, en Oxford, un neno de doce anos atopa nunha biblioteca un volume coas páxinas en branco, un papel que parece tremer, que lle produce unha punzada na man, e do que xorden as palabras que sólo el pode ver...

Cun ritmo trepidante conseguido alternando capítulos en Maguncia e Oxford, dende o descubrimento da imprenta a unha historia de fantasía cun tema tan antigo como os libros: o poder que concede o coñecemento...

El taller de Gaudí

Luns 9 de outubro de 2006 • Comenta este libro

• A partir dos 8 anos
• Idioma: Español
• Editorial: Cromosoma (2006)
• Autor/a: Roser Capdevila
• 25,00 €

Colección “La gran biblioteca de las tres mellizas”, con DVD.

Gaudí nunca puidera imaxinar que as Xemelgas aparecerían na súa vida. Pero a bruxa Aburrida quiso que o coñecesen e mandounas á Barcelona de principios do século XX. Alí, as nenas comparten co arquitecto un dos momentos máis importantes da súa vida: A construcción da Pedrera. Se che apetece saber as aventuras que viven con él, mergúllate nas páxinas deste conto… Se queres saber máis cousas sobre a vida e as obras dun dos mellores arquitectos de todos os tempos, visita El rincón de los sabios, a segunda parte deste libro e descubrirás moitos secretos deste xenial artista.

En la noche

Martes 12 de setembro de 2006 • Comenta este libro

• A partir dos 6 anos
• Idioma: Español
• Editorial: Thule Ediciones (2005)
• Texto: Gita Wolf e Sirish Rao
• Ilustración e deseño: Rathna Ramanathan
• Concepto de ilustración: Rachana Ladha
• 16,00 €

En la noche é un conto tradicional sufí que nos conta como cinco amigos (un albanel, un pescador, un leñador, un xinete e un músico) voltan á casa unha escura noite sen lúa. No camiño atopan un obstáculo e cada un deles, en función das súas vivencias, interpreta a natureza do devandito obstáculo de xeito moi diferente. Só a chegada da mañá lles ofrece a solución e demóstralles que, dalgunha maneira, todos tiñan razón aínda que todos estivesen equivocados.

En la noche, como todos os contos tradicionais, ten unha versión similar na literatura chinesa, outra na sudamericana (Siete ratones ciegos da editorial venezolá Ekaré) e seguramente algunha máis que nos pasa inadvertida.

O álbum de Thule é de pequeno tamaño pero constitúe un grande agasallo, dada a súa laboriosa elaboracón totalmente artesanal, tal e como se explica no propio libro.

¿Hay osos en África?

Martes 12 de xuño de 2007 • Comenta este libro

• A partir dos 4 anos
• Idioma: Español
• Editorial: Corimbo (2007)
• Autor/a: Satomi Ichikawa
• Tradución: Julia Vinent
• 10,00 €

Meto vive en África coa súa familia nunha aldeíña da sabana. Un día chega un grupo de turistas e unha nena leva nos seus brazos un osiño de peluxe. É un animal que Meto nunca vira. Cando finaliza a visita: "¡Adiós!, ¡Kwaheri! (adiós en swahili)", a nena esquece o seu osiño e Meto decide buscala para devolverlle a mascota, pero... ¿hai osos en África?

Juego de pistas en Volubilis

Martes 12 de xuño de 2007 • Comenta este libro

• A partir dos 8 anos
• Idioma: Español
• Editorial: Kókinos (2007)
• Autor/a: Max Ducos
• Tradución: Miguel Ángel Mendo
• 15,00 €

Un día, unha nena, aburrida porque ten que aprender unha poesía de memoria, descubre unha misteriosa chave oculta no seu escritorio. Trátase dunha primeira pista dun inquietante xogo que a conducirá a descubrir o segredo da súa casa, un moderno edificio chamado Villa Volubilis.

Un álbum coidadísimo e repleto de alusións a obras de arte de Calder, Mondrian, Warhol..., cunhas modernísimas ilustracións lineais e solitarias que recordan quizais o estilo de Hopper. Un apetitoso paseo visual e textual.

Kafka y la muñeca viajera

Luns 3 de xullo de 2006 • 4 comentarios

• A partir dos 8 anos
• Idioma: Español
• Editorial: Siruela (colección Las Tres Edades) (2006)
• Texto: Jordi Sierra i Fabra
• Ilustracións: Pep Montserrat
• 16,50 €

Un ano antes da súa morte, Frank Kafka, recoñecido autor de A Metamorfose entre outras obras mestras, vivíu unha experiencia insólita: paseando por un parque de Berlín atopou a unha nena chorando desconsoladamente porque perdera á súa boneca. Para calmar á pequena, Kafka inventou unha peculiar historia na que a boneca, en vez de perderse marchara de viaxe, e el, convertido en carteiro de bonecas, tiña unha carta que lle levaría ó día seguinte ó parque. Aquela noite Frank escribíu a primeira das moitas cartas que, durante tres semanas, entregou á pequena puntualmente narrando as peripecias da extraordinaria boneca desde diferentes recantos do mundo.

Unha narración exquisita que debería, endebén, esixir unha lectura compartida cun adulto para poder comprender toda a maxia que ten a historia e que subliña a capacidade dalgúns adultos para se mergullar no fantástico mundo infantil: "...os poetas erguen castelos no aire, os tolos habítanos, e alguén, na vida real, cobra o alugueiro."

Kirikú y las bestias salvajes

Martes 24 de xullo de 2007 • Comenta este libro

• A partir dos 8 anos
• Idioma: Español
• Editorial: Kókinos (2007)
• Autor/a: Michel Ocelot
• Tradución: Miguel Ángel Mendo
• 22,00 €

Segunda entrega das aventuras do máis valente dos bebés: Kirikú. Un libro con CD, unha historia contada polo avó.

Neste álbum veremos o noso heroe pelexando coa terrible hiena negra, enfrontado co misterioso búfalo dos cornos de ouro, viaxando enriba dunha gran xirafa…, e incluso disfrazado de fetiche. Coa súa cautivadora voz, o Avó contará novas aventuras de Kirikú. Para escoitar e para ler.

Os álbumes de Michel Ocelot son especialmente atractivos na súas imaxes, cun colorido deslumbrante; o texto dos contos ven estruturado en forma de diálogos.

Editado por Kókinos “Kirikí y la bruja” e por SM “Azur y Asmar”, do mesmo autor.

La Historia. La historia de la humanidad ilustrada con los clicks y las claks de toda la vida

Mércores 20 de decembro de 2006 • 1 comentario

• A partir dos 8 anos
• Idioma: Español
• Editorial: SM (2006)
• Autor/a: Richard Unglik
• Tradución: Jimena Licitra
• 20,00 €

Un percorrido moi orixinal dende a Prehistoria ata a conquista do espacio en pleno século XX, pasando polo Antigo Exipto, a Idade Media, o Século de ouro… Todos os personaxes desta impactante historia son os coñecidos bonecos de Playmobil que evolucionan do Playmopitecus ó Playmo sapiens sapiens, inventan o lume, aprenden a cazar animais, crean fabulosas civilizacións na máis remota antigüidade, e ata chegan á lúa.

Unha excelente aproximación á nosa historia dende una perspectiva moi nova e cercana para os nenos e nenas de entre oito e dez anos, salpicada de curiosidades tanto no texto como nunha plástica diferente e atractiva.

La que baila con las estrellas

Martes 14 de agosto de 2007 • 11 comentarios

• A partir dos 13 anos
• Idioma: Español
• Editorial: Salamandra (2007)
• Autor/a: Beth Webb
• Tradución: Inés Belaustegui
• 13,90 €

Os druídas, profundos coñecedores da natureza, eran sabios, sacerdotes e guerreiros dos antigos pobos das illas británicas. Cando a Deusa failles saber que un terrible mal se abatirá sobre o seu pobo, promételles tamén que un peculiar fenómeno astral anunciará a chegada dun salvador, un neno cun poder suficiente para evitar a catástrofe.

Desde entón, os druídas vixían o ceo día e noite á espera do que baila coas estrelas… Sen embargo, pronto o desconcerto cunde na tribo, pois a criatura que nace nas circunstancias descritas pola Deusa é unha nena de pelo cor acibeche e ollos verdes chamada Tegen.

La s7ptima M

Mércores 8 de novembro de 2006 • Comenta este libro

• A partir dos 13 anos
• Idioma: Español
• Editorial: Montena (2006)
• Autor/a: Francisca Solar
• 15,95 €

Nun panorama de literatura xuvenil plagado de obras de fantasía, resulta certamente agradable atopar de cando en cando algún relato de corte máis realista. Trátase pois dunha obra diferente, casi dun triller cinematográfico que, nalgún momento, recorda os famosos expedientes X.

Benvidos a Puerto Fake, unha pequena e olvidada vila de Chile onde mozos se suicidaron nos últimos dous meses, sen que ninguén saiba nada e nin sequera fale delo. O prefecto da policia envía a tanatóloga Sophie para investigar o caso, xunto cun avezado detective e un tal Cal, un paparazzi sen escrúpulos, autor do que parecía imposible: unha foto do primeiro suicida.

Os primeiros frutos da investigación colócannos ante unha colonia de alemáns do réxime nazi da segunda guerra mundial, fuxidos para non ser xulgados pola barbarie cometida; unha comunidade endogámica, secreta, e atemorizada ata extremos inenarrables, dispostos a sacrificar os seus propios descendentes.

Las estaciones

Luns 9 de outubro de 2006 • Comenta este libro

• A partir dos 6 anos
• Idioma: Español
• Editorial: Editorial Everest (2006)
• Texto: Martine Beck
• Ilustracións: Agathe Hennig
• Tradución: Elena del Amo
• 11,95 €

Unha proposta moi gráfica para descubrir con Alex e Marie como cambia a paisaxe ao ritmo das catro estacións. A través dos meses chove ou neva, o sol resplandece ou se oculta tras das nubes. As plantas florecen ou murchan, os animais dormen ou paren as súas crías. Os nenos soñan con algunhas festas tradicionais en certas datas&hellio;

Grazas a grandes imaxes os lectores poderán repasar facilmente as alegrías e peculiaridades de cada mes do ano. Todo cambia na paisaxe: o tempo, o xardín e a horta, os animais, a roupa, as festas e xogos…

Los cuentos de Shakespeare

Mércores 20 de decembro de 2006 • 2 comentarios

• A partir dos 12 anos
• Idioma: Español
• Editorial: El Aleph (2006)
• Texto: Charles e Mary Lamb
• Ilustracións: Joëlle Jolivet
• Tradución: Andrea Morales Vidal
• 19,90 €

Escritos no século XIX por Charles e Mary Lamb, os contos de Shakespeare son un clásico na literatura anglosaxona. Estas magníficas adaptacións inician ó lector no universo shakesperiano sen restarlles o ímpetu e o furor das obras dramáticas orixinais.

Gracias a unha excelente traducción podemos achegarnos a dúas comedias (El sueño de una noche de verano e Mucho ruido y pocas nueces) e a catro traxedias (Otelo, Hamlet, El rey Lear e Macbeth), quizáis o máis representativo da obra deste autor. As magníficas ilustracións grabadas de Joëlle Jolivet, redondean unha xoia da literatura xuvenil clásica.

Los gigantes de Groil

Venres 11 de maio de 2007 • 1 comentario

• A partir dos 8 anos
• Idioma: Español
• Editorial: Almuzara (2007)
• Autor/a: Julia Donaldson
• Ilustracións: J.M. Ken Niimura
• Tradución: Ruth García Orozco
• 14,95 €

Podería considerarse unha continuación do clásico Pedro y las habichuelas mágicas, con dous mundos irreconciliables por un pasado enfrentado: en Groil, o mundo dos xigantes, casi ninguén cre nun mundo de humanos diminutos, os dimiplops, e viceversa. Só no mundo dos contos permanecen ambos hábitats.

Jumbelia, unha rapaza de Groil, morre de ganas de coñecer ós dimiplops; ela sabe que plantando unha faba xigante no país dos dimiplops poderá descender ata alá polo seu talo. Mentras ela baixa polo ambiplant, os irmáns Jones están a xogar no seu xardín ignorantes do problema xigante que lles vai caer.

Os xigantes de Groil teñen un idioma inventado que precisa dun vocabulario que atoparedes ó final da historia. Trátase dun best seller internacional que pronto será levado ó cine da man dos productores da saga cinematográfica de Harry Potter.

Luna nueva

Venres 4 de maio de 2007 • 2 comentarios

• A partir dos 13 anos
• Idioma: Español
• Editorial: Alfaguara (2007)
• Autor/a: Stephenie Meyer
• Tradución: José Miguel Pallarés
• 15,95 €

Luna Nueva é a segunda parte do éxito internacional Crepúsculo, unha perigosa historia de amor entre Bella e Edward; unha historia de amor vampírica escrita, segundo as súas propias lectoras, en clave femenina.

Nesta segunda entrega o vampirismo mestúrase cos lobishomes e a licantropía, marco desa historia de amor antes mencionada e que pronto rematará en Eclipse.

“Los placeres violentos terminan en la violencia, y tienen en su triunfo su propia muerte, del mismo modo que se consumen el fuego y la pólvora en un beso voraz” Romeo y Julieta, acto II, escena VI.

Madera de piratas

Martes 12 de xuño de 2007 • Comenta este libro

• A partir dos 10 anos
• Idioma: Español
• Editorial: Edelvives (2007)
• Texto: Alain Surget
• Ilustracións: Annette Marnat
• Tradución: Alberto Torrego
• 7,50 €

Luisilla e Benjamín, orfos de nai, deixan unha noite o hospicio de París en busca de aventuras e na procura do seu pai, o famoso pirata Capitán Roc. Camiñan sempre cara ao solpor e, cando chegan a Saint-Malo, crúzase no seu camiño un pirata apodado Parabás, marqués arruinado, que lles revelará segredos acerca da sua identidade, sempre dun xeito interesado e ao servizo do terrible Barbanegra.

Aventuras disparatadas e acción, son os ingredientes desta nova serie de 4 noveliñas que arranca con este título, deliciosamente ben escritas.

Mi amor tiene orejitas bailonas y rosadas

Martes 24 de xullo de 2007 • Comenta este libro

• Para prelectores
• Idioma: Español
• Editorial: Libros del Zorro Rojo (2007)
• Autor/a: Michael Schober
• Tradución: Marisa Delgado
• 12,95 €

“Mi amor tiene orejitas bailonas y rosadas, las cerdas de su lomo, cortitas y aseadas, la barriguita rosa y rizado el rabito” ¿Sabes, quiquiricosa, el nombre del bichito? Pues claro, es un…”

Non, aínda non cho vou dicir. A resposta a quen é ese amor tan especial encontrarala nas páxinas deste libro. Desplegándoas cara á dereita, arriba ou cara abaixo, poderás descubrir de quen se trata. Ao final atoparás unha gran sorpresa…

Mi primer libro de los colores

Venres 27 de abril de 2007 • Comenta este libro

• Para prelectores
• Idioma: Español
• Editorial: Kókinos (2006)
• Autor/a: Eric Carle
• 8,00 €

Nota: esta reseña refírese tamén a Mi primer libro de las formas e 1, 2, 3... al zoo, do mesmo autor e editorial

Unhas saborosas propostas gráficas para os máis pequechos, deseñadas en cartón duro e con follas divididas de tal forma que o conto se usa coma un puzzle, no que hai que unir o nome, a forma ou color, e a figura do animal ou cousa co represente.

Unhas ilustracións sinxelas e moi plásticas, como é habitual neste autor, destacan sobre un fondo branco que resalta aínda máis a forza gráfica das mesmas.

En “1, 2, 3 al Zoo” aprenderemos a contar do un ata o dez con un elefante, dous hipopótamos, tres xirafas...

MOMA En busca del arte

Mércores 8 de novembro de 2006 • Comenta este libro

• A partir dos 8 anos
• Idioma: Español
• Editorial: RBA - Ediciones Serres (2006)
• Texto: Jon Scieszka
• Ilustracións: Lane Smith
• Tradución: José Morán
• 12,00 €

Este delicioso álbum ilustrado ven adicado “a todos los que buscan arte”, e saben aprecialo… Artemiro e o seu amigo están de vacacións en Nova York coas súas familias; esta frenética aventura comeza cunha cita de Arte (chamámoslle así para abreviar) e o seu mellor amigo na esquina da rúa 5 coa 53 da cidade dos rañaceos. Arte non aparece e o seu amigo pregunta a unha muller que pasa despistada (¿ou quizais estaba un pouco xorda?): “¿Viu vostede a Arte…?” Estando tan preto do museo de arte moderno de Nueva York (MOMA), a boa señora indícalle un bonito edificio onde sen dúbida atopará o seu amigo. Evidentemente referíase á sede do famoso museo neoyorkino e é así como comenzamos un frenético paseo polas salas do MOMA en busca de Arte…

Dende Van Gogh a Calder, de Andy Warhol a Lichtenstein, de Matisse a Miró pasando por Dalí, Picasso, Duchamp, Klee e un longo listado dos mellores artistas do século XX.

Nas páxinas finais do libro ¡por fin atopamos a Arte!, pero xa fixemos un riguroso recorrido por un dos máis famosos museos do mundo no que se refire á arte moderna.

Pablo y los malos

Luns 3 de xullo de 2006 • Comenta este libro

• A partir dos 6 anos
• Idioma: Español
• Editorial: Destino (2006)
• Texto: Lorenzo Silva
• Ilustracións: Violeta Monreal
• 12,95 €

A Pablo encántalle que lle lean contos pola noite e xogar despois a ser o malo malísimo desas historias. A súa irmá Laura non entende por que sempre elixe ser o que peor se porta de todos... A través dos pesadelos que se desatan na mente de Pablo, o cativo vai aprender que algúns malos non o son de todo, "e que nunca se pode saber na primeira impresión como é a xente, senón que hai que mirar con máis calma para poder coñecela..."

Pequeños europeos

Venres 4 de agosto de 2006 • 1 comentario

• A partir dos 8 anos
• Idioma: Español
• Editorial: Beta Editorial (2004)
• Autor/a: Nicole Lambert
• 24,00 €

Este libro levaranos a descubrir todo aquilo que constitúe o sabor da infancia nos 25 países da Europa ampliada; os caramelos, as cancións que se aprenden desde moi pequenos, o que dá medo e o que fai rir, o nome das bruxas locais e a palabra para dicir pis e caca en todas as línguas, o que ocorre en Nadal e cando cae un dente. É unha guía que nos abre a porta a un rico crisol de costumes, crenzas e tópicos de todos os países que constitúen esa Europa comunitaria na que van desenvolverse na súa vida adulta.

Pingüino y sus amigos

Martes 14 de agosto de 2007 • 1 comentario

• Para prelectores
• Idioma: Español
• Editorial: MacMillan (2007)
• Autor/a: Claudine Gévry
• 14,90 €

Osiños brancos, morsas, raposos polares, renos, carráns…, todos se esconden tras os mares e xeos dos Polos. Movendo as lingüetas iremos descubrindo os amigos de Pingüino e aprenderemos a contar ata dez. Un libro con follas de cartón, que resiste os envites das mans máis miúdas, e que amosa dun xeito moi sinxelo a fauna do medio polar, ao tempo que propón un xogo por páxina.

Piratapedia

Martes 14 de agosto de 2007 • Comenta este libro

• A partir dos 8 anos
• Idioma: Español
• Editorial: Pearson Educación (2007)
• Autor/a: VVAA
• 19,90 €

Despois de ler este libro non terás dúbida ningunha sobre os segredos dos seres máis malvados do mar: os piratas.

“Despliega la bandera de las tibias y la calavera. Suelta amarras y sube a bordo de esta fantástica y completa Enciclopedia de los Piratas. ¡Los cobardes que se queden en tierra! Coge tu machete y zarpa en esta emocionante aventura a bordo de los navíos más fieros de los siete mares. Conoce a los piratas más crueles, echa el ancla en los puertos más peligrosos y descubre las aventuras más sangrientas de la historia de la piratería”.

¿Tienen los animales que lavarse los dientes?

Luns 3 de xullo de 2006 • Comenta este libro

• A partir dos 12 anos
• Idioma: Español
• Editorial: Edaf (2006)
• Texto: Walli Müller
• Ilustracións: Günter Mattei
• Tradución e adaptación: Frank Schleper
• 19,95 €

De moi recente edición, o presente libro resultou merecente do Premio Bolonia de Literatura Infantil 2006 na categoría Non Ficción.

¿Fúndenselles os plomos ós vagalumes? ¿Rin as galiñas? ¿É crente a mantis relixiosa? ¿Sabe inglés o pastor alemán? ¿Fuman os camelos? ¿É pacifista o peixe espada?... Todas estas preguntas, entre outras moitas, fixéronllas ó autor deste libro e director dun zoolóxico, nun breve programa de radio (“Cousas de bichos en radio Baviera 3”), que se emitíu pola mañana, entre el momento de lavar os dentes e tomar o primeiro café, durante un ano. Cunha maxistral habelencia para transmitir e facer sinxelo o complexo, os autores respostan de xeito divulgativo e divertido, pero con todo o rigor da ciencia, ás inquedantes preguntas dos amantes dos animais.

Todo sobre mí, Ana Tarambana

Venres 27 de abril de 2007 • 2 comentarios

• A partir dos 12 anos
• Idioma: Español
• Editorial: Serres (2006)
• Autor/a: Lauren Child
• Tradución: Esteban Morán
• 12,00 €

“No soy hija única, pero a veces lo hubiera deseado. Somos siete personas en casa: mis padres, mis hermanos y yo, y el abuelo. Y el perro y el gato. Demasiado a veces para una familia. No siempre. Sólo a veces...”

Ana Tarambana é unha nena moi especial: inquieta, imaxinativa, divertidísima e irresistibel, aloucada, chea de vida e diversión... segundo a crítica internacional.

É unha rapaza actual, transgresora, pícara e moi segura de si mesma, capaz de facer as trastadas máis inverosímiles e dos mellores sentimentos.

Unha lectura, en fin, en clave feminina, escrita a modo de diario e tremendamente divertida.

Un poema para curar a los peces

Venres 11 de maio de 2007 • Comenta este libro

• A partir dos 4 anos
• Idioma: Español
• Editorial: Kókinos (2007)
• Texto: Jean-Pierre Siméon
• Ilustracións: Olivier Tallec
• Tradución: Esther Rubio
• 14,00 €

Para curar a León, o peixe de Adrián, este ten que “darlle” un poema. Adrián non entende qué é iso dun poema. ¿Haberá alguén que sexa capaz de explicarlle que é un poema? A panadeira, o canario, os avós... ¡Cada un dálle unha resposta diferente ó anterior! Un poema debe ser unha cousa ben rara e misteriosa..., pero é urxente que Adrián o saiba para salvar a León.

“Un poema
es como el pan recién hecho,...
es escuchar el latido
del corazón de las piedras...
pone el mundo al revés
y ¡ale hop! el mundo es nuevo....”

Zarpalanas, la mejor mascota

Venres 4 de maio de 2007 • Comenta este libro

• A partir dos 8 anos
• Idioma: Español
• Editorial: Ediciones B (2007)
• Autor/a: Cornelia Funke
• Tradución: María Alonso
• 9,95 €

Zarpalanas non é un monstro de terra como calquera outro. Zarpalanas é moi especial: non lle gustan as cousas coas que gozarían outros monstros, a él gústanlle os nenos, o xabrón e a música, mellor dito, encántalle a música...

Por iso quere mudarse a casa do seu novo amigo Kali: pode comer o que lle pete da “caixa fría”, mergullarse na ducha para comer o xabrón, ou escoitar como a nai de Kali toca o piano..., ¡¡encántalle escoitar música!!

Kali atopa en Zarpalanas un compañeiro divertido, provocador..., unha mascota xenial. O problema, sempre hai un, é a madre de Kali porque é moi estricta, e tamén o pai que non é moi estricto pero sí alerxico ós animais...Non será tarea fácil que Zarpalanas acabe como mascota.