Hoxe mércores, ás 18.00 horas Ana María Matute responderá ás preguntas dos medios de comunicación na sala vip do Pazo da Cultura.
Mércores, 8 de febreiro de 2006
1 ficheiro adxunto
Previsións Salón do Libro Infantil e Xuvenil de Pontevedra,
mércores, 08 de febreiro de 2006.
Información ós medios
Visitas de escolares:
-
CRA Vilaboa
-
CEIP Carballedo
-
CEIP de Cabanas
-
CEP Xunqueira 2
-
EEI Concepción Crespo Rivas
-
CEIP Froebel
En total, algo máis de 400 nenos e nenas asistirán ós obradoiros de escrita, ilustración e medioambiente, así como ás contadas a cargo de Pavís Pavós, Raquel e David Pernas. Outros nenos acodirán á representación de “Titirifauna” a cargo de Calamar Teatro, ás once e media no auditorio do Pazo. Esta compañía vallisoletana pon en escea unha función de monicreques feitos con material de refugallo.
Pola tarde seguen os obradoiros para adultos (18.00-20.00) co seguinte programa:
-
Animación: repite Ana Romero Yebra (empezou o martes)
-
Literatura: Dora Batalim. Dora Batalim é licenciada en Linguas e Literaturas Modernas pola Universidade de Lisboa. Ademais, posúe unha ampla formación en psicoloxía e pedagoxía aplicadas ó eido artístico. Participa frecuentemente en cursos, encontros e seminarios vencellados á área do libro, da animación, da pedagoxía e da lingua. Desde 2002 é profesora de Literatura Infantil e Xuvenil na Escola Superior de Educadores de Infancia Maria Ulrich de Lisboa. Tamén leva a cabo funcións de formación e consulta no Proxecto “Levar e Ler” de promoción da lectura. Actualmente, tamén colabora no proxecto “Das Histórias nascem Histórias”, unha exposición do Instituto Portugués do Livro e das Bibliotecas. Desde 1999, pertence ó equipo CLIC (Clube de literatura, Ilustraçâo e companhia) destinado á formación do profesorado e público escolar tanto en literatura como en plástica, música ou teatro. Son súas as traducións ó portugués de títulos editados Kalandraka como Frederic, O flautista de Hamelin ou O pesadelo no armario. Asimesmo, é autora de revisións literarias (A toupiña quería saber quen lle fixera aquelo na cabeza), artigos sobre literatura, lectura e pedagoxía e guías didácticas.
-
Ilustración: continúa Pablo Amargo.
-
Música: continúa Miquel Desclot.
Entre as actividades abertas ó público salientamos:
17.30, Contadores de historias. Nenos do CEP Monteporreiro e do IES Valle Inclán serán os encargados de dirixir unha sesión de contacontos acompañados polos Pavís Pavós. Terá lugar nun dos espazos expositivos.
18.30, Obradoiro infantil “Titirixogo”, con Calamar Teatro. Asistencia libre e gratuita para nenos e nenas a partir de 4 anos no seminario 8 do Pazo da Cultura. Os cativos aprenderán a facer monicreques con materiais de refugallo.
20.30, Diálogos con Ana María Matute.
Ficheiros