Prensa
INAUGURACIÓN DO SALÓN DO LIBRO INFANTIL E XUVENIL DE PONTEVEDRA
Domingo, 4 de febreiro de 2007
ACTOS PREVISTOS PARA O DOMINGO 4 DE FEBREIRO
· ACTO DE APERTURA, 11.30 HORAS, PAZO DA CULTURA. Intervencións de Helena Torres, Coordinadora do Salón, Ánxela Bugallo, Conselleira de Cultura da Xunta de Galicia, e Miguel Anxo Fernández Lores, alcalde de Pontevedra. Conduce o acto o grupo de contacontos Pavís Pavós. Formado en 1996 en Pontevedra, está integrado na actualidade por Tareixa Alonso, Andrea Bayer, Ismael Calvo, Dolores Hermida e Xacobe Rodríguez. Pavís Pavós centran o seu traballo na recuperación das formas orixinais dos contos clásicos, a oralidade e o xeito tradicional e popular de contar. Os coñecidos espectáculos “stand-up” son unha evolución do narrador tradicional e é precisamente o que esta agrupación pontevedresa quere recuperar e manter. Tamén inclúen nos seus espectáculos contos de nova creación e formatos contemporáneos. Teñen traballado en colaboración con concellos, institucións, asociacións sen ánimo de lucro e diversas entidades. En xaneiro de 2006 foron distinguidos co premio Xoán Manuel Pintos que outorga o Concello de Pontevedra polo seu labor a prol da lingua galega. Actuación musical de Golfiños.
· CONTADAS PARA NENOS E FAMILIAS, 12.30 HORAS. PAZO DA CULTURA.
· OBRADOIRO PARA NENOS DE MAQUILLAXE DE MEDO. 18.00 HORAS. PAZO DA CULTURA. Impartido por Paspallás.
· TEATRO, 18.30. TEATRO PRINCIPAL. ENTRADA 2 EUROS. Buuu! de Yllana. A partir de 6 anos. Espectáculo no que se recrean os grandes monstros do terror clásico co teatro xestual e directo desta compañía madrileña especializada no humor sen palabras e de recoñecido prestixio en medio mundo. En Buuu! tres actores entran de cheo no máxico e divertido mundo do terror e transforman os nosos máis queridos monstros para amosarnos o seu lado máis cómico. Un espectáculo para asustar ó medo a base de gargalladas. Diversión para grandes e pequenos. Producciones Yllana nace en 1991 e desde entón amosa como facer humor sen palabras. A súa linguaxe escapa do corpo con enerxía desenfreada. Calados pero sempre ruidosos son os artífices dun mundo surrealista e delirante onde todo pode ocorrer. Desde a súa formación producen espectáculos que chegan a converterse en clásicos para adultos como Glub Glub, o impresionante 666, Rock & Clown, e tamén para público familiar como Splash ou Olimplaff. Agora chegan a Pontevedra coa súa última creación para os máis pequenos. Máis información en www.yllana.com Espectáculo programado dentro do ciclo “Domingos do Principal”.
Fotos en alta resolución
-
Acto de inauguración conducido por Pavís Pavós
Tamaño: × (119.0 KB)
-
Contadas con Tareixa Alonso de Pavís Pavós.
Tamaño: × (5.9 MB)
© 2006–2008 Salón do Libro Infantil e Xuvenil de Pontevedra